பூமி சுழலும் ஒவ்வொரு
சிறு தருணமும் ,
மனிதமிதவைகள் சில
ஒரு குழலுக்குள்
வாழ்க்கையை முடிக்கும்
பரிதாபம் !!
புகையின் புருஷனே!கேள்!
ஐந்து விரல்களினூடே
ஆறாம் விரலாய் ,
எதற்கு விறகுக்கட்டையைத்
தூக்கிக் கொண்டுத் திரிகிறாய்?
நீ சிறுகச் சிறுகச் சவமாகும்
சாம்பலுக்காகவா?
இரண்டு நிமிட எச்சில் சுகத்திற்கு,
எதற்காக உன் நுரையீரலை
சர்ச்சைக்குள் ஆழ்த்துகிறாய் ?
திரியும் பிணமே !
புகைக்குழலை நீ வாய்க்குள்
புதைத்தால் ,
என் பூவுடலை இப்பூமியில்
புதைப்பார்களடா !
புகைப்பவன் நீ புகைத்தால் ,
வேடிக்கைப் பார்த்த நான் ஏன்
புதைபடவேண்டும் இம்மண்ணில் ?
ஏய் உலகமே!
"புகை உடலிற்கு பகை" என்று
பொன்மொழிகள் பகன்றுவிட்டு
இன்னும் எதற்காக அனுமதிக்கடிதம்
போட்டு ஆமோதிக்கிறாய் ?
எம் நாட்டு இளைஞர்களின்
உயிரை ஒட்டுமொத்தமாக
உறிஞ்சவா ?
நான் இப்போதே உரைக்கிறேன்
என் சகாக்களுக்கு ,
உன்னை விவாகரத்து செய்யும்படி !
5 கருத்துகள்:
படமும் கவிதையும் அருமை. இனிய புத்தாண்டு வாழ்த்துக்கள்.
நன்றி கலாநேசன் அவர்களே ! மிக்க நன்றி
நல்ல சமூக சிந்தனை உள்ள அருமையான வரிகள் பாராட்டுக்கள்
சமூக சிந்தனையுடன் உங்கள் கவி வரிகள் படத்திற்கு அழகு சேர்கிறது... தொடருங்கள் உங்கள் கவி நடையை
கண்டிப்பாக நீங்கள் படிப்பதர்க்ககவே தொடருகிறேன் !
கருத்துரையிடுக